أعظم وجع بالحب لاصرت تشتاق....

أعظم (وجـع) بالحب لا صرت تشتاق

لـ اللي تحب ولا أنت قـادر تشوفه!

يكويـك "جمـرٍ" داخـل القلب حرّاق

زود ٍعلــى نــاره تهـدّك طيوفه!

لا مـرّ بعيـونك كمـا نـوض برّاق

مـالك مجــال إلاّ تســاير ظروفه

ياصاحبـي لـو بينـي وبينـك آفاق

نفسي معـك في كـل حالـة شغوفة

ما كنت "قبلك" خلف الإحساس أنساق

وإن شفت درب الحب أسكت وأطوفه

يلين جـاني منعطـف سيل الأشواق

بأمر الغرام اللـي سطت بي سيوفه

قاومت لكـن! خافـي الحب ماطاق

صابه صمـود ٍ زلـزل أجزاء خوفـــه

بغيـت أردّه بـس حسيـت بإخفاق!

في لحظـة ٍ"مـد" لـ كفوفك كفوفه

جا لك ولا كنت أحسـب الحب دفاق

لين أغرق الخـافق وسال بـ نزوفه

أثْــر المحبـة نبضهـا دوم سرّاق

دمي وهـو دمـي بجسمـي تحوفه!!

حاولت أداري حـب قلبـي بالأوراق

وأثْر الورق ماهـي أمينـة حروفه

سـلّ المشاعر من متاهات الأعماق

وأصبح يفسـرّ كل وضـع بوصوفه

يكتب تقاريـر الغـلا وقت الإشراق

وعند المسـا يعطيـك باقي كشوفه

يا"جامـع" حنيّـة الكـون بأخلاق

معـذور قلبـي لـو يضمك بجوفه

__________________
تحياااااااااتي

تعال نجنن العالم بقصة عشق مجنونه
مامرت ولا بالحلم على قلبين عشقانه

تعال ندرس العشاق معنى الحب وفنونه
بدنيا عشق مافيها ولا أي لحظة خيانه

وكيف الفرحة والضحكات كلام مايعرفونه
وطير الحب ياخذنا لدنيا غير بجناحه

وعن عاشق إذا اشتاق يضيع وينخطف لونه
وكن عيونه من شوقه تصرخ موت ولهانه

يدري بي أحبه موت وتلخبطني عيونه
يحبني وأنا أحبه بكل عيوبه وجنانه

دليل العاشق احساسه أبد ماتخونه ظنونه
على ماقالت الأمثال كتاب وبان من عنوانه

تحيااااتي

لو كان لي قلبان لعشت بواحد وابقيت قلبا في
هواك يتعذب
كلماتك رائعه سكووون الروح يعطيك العافيه

على الأبيات الرائعه

__________________
تحياتي